2011-05-11
璇璇妹妹︰「爸爸去了那裡？嫲嫲又話訓醒會見到佢？嗚......」（事緣︰小璇在早上於璇祖母家回來，找不著已上班的琦爸，傷心地尋找。）
一個小時後，輪到璇媽要上班......
琦琦家姐︰「媽媽，不要返工啦，我好掛住你喎，嗚......」
璇璇妹妹（一本正經地）︰「如果媽媽唔返工，咁我0地就無錢學琴0羅！」
2011-05-12
璇璇妹妹︰「我0地有個老師走0左！」
璇媽（心驚）︰「0下！學校又有老師轉工？」（背景︰這一兩年，琦璇就讀幼稚園的教師流動性很高，經常轉班主任。）
「不是。」璇璇氣定神閒地搖頭︰「是四樓個老師。」
璇媽（不解）︰「甚麼？」
璇璇妹妹（得意洋洋地）︰「咪屋企個爸爸0羅（家住四樓），佢係老師0黎0架！」
2011-06-03
璇璇（正在過馬路）︰「媽媽，我識得講『馬路』的英文！」
璇媽（驚喜）︰「咁叻？點講呀？」
璇璇（充滿自信）︰「係『麻-Lu』！」
璇媽︰「這個是普通話，唔係英文喎......」
璇璇︰「是嗎？哈哈哈......」
沒有留言:
發佈留言